Құрылымы
«Тұрғын үй-коммуналдық шаруашылығын жаңғырту мен
дамытудың қазақстандық орталығы» АҚ
Қазақстанда тұрғын үй-коммуналдық шаруашылықты одан әрі дамыту үшін «Акционерлік қоғамдар туралы» Қазақстан Республикасының Заңына сәйкес Қазақстан Республикасы Үкіметінің 2009 жылғы 30 қазандағы № 1725 Қаулысымен «Тұрғын үй-коммуналдық шаруашылығын жаңғырту мен дамытудың қазақстандық орталығы» акционерлік қоғамы (бұдан әрі – «ТКШ ҚазОрталығы» АҚ) құрылды.
Қазақстан Республикасы Қаржы министрлігі Мемлекеттік мүлік және жекешелендіру комитетінің 2009 жылғы 2 қарашадағы № 617 бұйрығына сәйкес «ТКШ ҚазОрталығы» АҚ жарғылық капиталына мемлекеттің 100% қатысуымен құрылды. «ТКШ ҚазОрталығы» АҚ-ның жалғыз акционері Қазақстан Республикасы Құрылыс және тұрғын үй-коммуналдық шаруашылық істері агенттігі болып табылады.
Заңды тұлғаны мемлекеттік тіркеу туралы куәлігі – 2009 жылғы 10 қарашадағы № 35262-1901-АҚ.
Мәртебесі:
1) Қазақстан Республикасының 5 мемлекеттік инновациялық даму институтының тізбесіне енгізілген (2009 жылғы 30 қазандағы өзгерістерімен Қазақстан Республикасы Үкіметінің 2009 жылғы 6 тамыздағы № 1201 қаулысы);
2) Қазақстан Республикасы Білім және ғылым министрлігі мемлекеттік емес ғылыми ұйым ретінде аккредиттеген.
«ТКШ ҚазОрталығы» АҚ қызметінің негізгі бағыттары:
1) тұрғын үй-коммуналдық шаруашылықты жаңғырту және дамыту мақсатында оның инвестициялық тартымдылығын арттыру;
2) тұрғын үй-коммуналдық шаруашылық саласында талдамалық және ғылыми зерттеулер жүргізу, инновациялық технологиялар енгізу;
3) тұрғын үй-коммуналдық шаруашылықты жаңғырту мен дамытудың оңтайлы моделін анықтау;
4) тұрғын үй-коммуналдық шаруашылық саласында кәсіптік оқытуға бағытталған шаралар кешенін жүзеге асыру;
5) тұрғын үй-коммуналдық шаруашылық саласында басқарудың заманауи әдістерін енгізу.
Миссиясы:
Тұрғын үй-коммуналдық шаруашылықтың инвестициялық тартымдылығын арттыру арқылы оның инфрақұрылымын жаңғырту және дамыту жөніндегі мемлекеттік саясаттың іске асырылуына жәрдемдесу.
Мақсаты:
Тұрғын үй-коммуналдық шаруашылықты жаңғырту мен дамытудың оңтайлы моделін құру.
«ТКШ ҚазОрталығы» АҚ міндеттері:
- Тұрғын үй-коммуналдық шаруашылықта энергия және ресурс үнемдеу мәдениетін қалыптастыру;
- Тұрғын үй-коммуналдық шаруашылықтағы энергия тиімділігінің ғылыми-технологиялық негізін қалыптастыру;
- Тұрғын үй-коммуналдық шаруашылықтың нормативтік құқықтық базасын жетілдіру жөнінде ұсынымдар әзірлеу;
- Тұрғын үй-коммуналдық шаруашылықтың инвестициялық тартымдылығын арттыру;
- Тұрғын үй-коммуналдық шаруашылық кадрларының біліктілігін арттыру;
- Тұрғын үй-коммуналдық шаруашылықтың нормативтік-техникалық базасын жетілдіру жөнінде ұсынымдар әзірлеу;
- Тұрғын үй-коммуналдық шаруашылықтың институционалдық негізін жетілдіру жөнінде ұсынымдар әзірлеу.
«ТКШ ҚазОрталығы» АҚ құрылымы:
Басқарма:
Төраға орынбасары - Төлеутай Сатайұлы Рақымбеков;
Төраға орынбасары — Рауан Ерұланқызы;
Төраға орынбасары — Әлиасқар Ахметбекұлы Кенжетаев;
Төраға орынбасары - Аманжол Әлиханұлы Алпысбаев;
Кеңесші - Жаңбыршы Есетұлы Нұркенов;
Аппарат басшысы — Алмас Аянұлы Алин
«ТКШ ҚазОрталығы» АҚ құрамына 5 департамент, 4 орталық, 1 дирекция және 3 еншілес компания кіреді.
Тұрғын үй шаруашылығы департаменті
Директоры – Мадина Оралбекқызы Мұрсакина
Коммуналдық шаруашылық департаменті
Директоры –Әскер Жангелдіұлы Шотаев
Жоспарлау және қаржы департаменті
Директоры –Бикен Омарханқызы Байғонақова
Құқықтық қамтамасыз ету департаменті
Директоры –Дидар Сағындықұлы Сибаев
Департаменттің міндеттері:
1) мемлекеттік билік және басқару органдарымен, шарттар бойынша контрагенттермен, Қоғамның басқа да құрылымдық бөлімшелерімен, акционерлерімен және қызметкерлерімен өзара іс-қимыл жүргізуде Қоғамның құқықтары мен мүдделерін қорғау;
2) Қоғам мүлкінің сақталуын құқықтық құралдармен қамтамасыз ету;
3) ұйымның корпоративтік этикасының маңызды бөлігі ретіндегі құқықтық мәдениетті қолдау және дамыту.
Әкімшілік жұмыс және мемлекеттік сатып алу департаменті
Департаменттің міндеттері:
1) Қоғамды әкімшілік-шаруашылық және материалдық-техникалық қамтамасыз ету, материалдық ресурстарды пайдалануды бақылау;
2) Қоғамның ұйымдастыру-кадрлық қызметін жүзеге асыру;
3) құжат айналымының бірыңғай тәртібін қамтамасыз ету;
4) тауарларды, жұмыстар мен қызметтерді мемлекеттік сатып алу жоспарын қалыптастыру;
5) ) тауарларды, жұмыстар мен қызметтерді мемлекеттік сатып алу рәсімдерін жүзеге асыру;
6) мемлекеттік сатып алу саласындағы тізілімдерді қалыптастырып, енгізу;
7) Қоғамды автокөлік құралдарымен қамтамасыз ету.
Энергия тиімділігі объектілерінің құрылысы дирекциясы
Жетекшісі –Ербол Дүйсембіұлы Темірбаев
Технологиялық консалтинг және инжиниринг орталығы
Жетекшісі – Ержан Қыпшақбайұлы Әбдіқалықов
Білім тарату орталығы
Жетекшісі –Есенбай Исрайылұлы Исламов
Тұрғын үй-коммуналдық шаруашылықта мемлекеттік-жеке меншік әріптестікті дамыту орталығы
Жетекшісі –Ибрагим Қалмаханұлы Тойшыбеков
Энергия тиімділігі технологиялары орталығы
Жетекшісі – Арман Тлеулесұлы Өтепов
Еншілес ұйымдар:
1. «Тұрғын үй-коммуналдық шаруашылықты дамытудың қазақстандық ғылыми-техникалық орталығы» ЖШС. «ТКШД ҚазҒТО» ЖШС тұрғын үй-коммуналдық шаруашылықтың инновациялық әлеуетін дамытуға жәрдемдеседі. Қызметінің мақсаты еліміздегі тұрғын үй-коммуналдық шаруашылықтың кешенді ғылыми-техникалық дамыуын қамтамасыз ету. «ТКШД ҚазҒТО» ЖШС қызметкерлері жаңа технологияларды әзірлеп, тұрғын үй-коммуналдық шаруашылыққа енгізу жөніндегі міндеттер кешенінің тиімді шешілуін қамтамасыз ету бойынша жұмыс жүргізеді.
2. «Астана-Қызмет» басқарушы компаниясы» ЖШС. «Астана-Қызмет» компаниясы басқарушы компаниялардың тұрғын үй иелерімен, кондоминиум объектісін басқару органдарымен және мердігер ұйымдармен бірыңғай стандарттарға және кондоминиум объектілерін басқару мен күтіп ұстау жөніндегі регламенттейтін құжаттарға негізделген өзара іс-қимыл моделін әзірлеп, байқаудан өткізеді
3. «Тұрғын үй-коммуналдық шаруашылығын жаңғырту мен дамытудың қарағандылық орталығы» ЖШС. «ТКШ ҚарОрталығы» ЖШС өңірдегі энергия үнемдеу және тұрғын үй-коммуналдық шаруашылықты жаңғырту саласында мемлекеттік саясаттың іске асуына жәрдем көрсету үшін 2010 жылы сәуір айында құрылды.